4. nóvember 2010

Fyrsti snjórinn

Og þá er ég komin í fullan vetrarskrúða. Gönguskór og ullarsokkar toppa lýsinguna á færslunni frá því í gær. Í morgun gleymdi ég ekki vettlingunum frá Eyrúnu svo ég var ansi vel búin.

Ekki var farið að skafa stígana sem ég hjólaði í morgun, annars var færðin bara nokkuð góð. Ég var u.þ.b. 3-4 mín lengur á leiðinni en undanfarna daga, það er þyngra að hjóla í snjónum.

2 ummæli:

Bjössi sagði...

Sæl Bjarney
Rakst á bloggið þitt og sé þú ert með tengil inn á hjólabloggið mitt. Gaman að finna svona sálufélaga í hjólablogginu. Ég hef bloggað um hjólreiðarnar síðan síðasta haust með það að markmiði að kortleggja reynsluna. Erum við nokkuð að hjóla svipaða leið til og frá vinnu? Ég er að hjóla úr Salahverfi niður í Borgartún. Gaman að takast á við snjóinn.
kv
Björn http://hjoladagbokbhb.blogspot.com/

Bjarney Halldórsdóttir sagði...

Sæll Björn, jú ég hef verið að fylgjast með blogginu þínu. Finnst gaman hvað þú ert duglegur að setja inn færslur.

Ég hjóla eftir stígnum við Sæbraut, svona ofast allavega, frá Sundunum og niður í miðbæ.

Einhverntíman reyndi ég að setja inn athugasemd við færslu hjá þér en lenti í vandræðum sem ég man ekki lengur hver voru. Ég ætla að prófa aftur.

Hjólaárið 2023 - 3.036 km

VEGALENGDIR OG DAGAFJÖLDI Hjólaði samtals 3.036 km á árinu. Hjólaði 1.589 km til og frá vinnu og 1.447 km í aðrar ferðir. Ég hjólaði 203 af ...