17. september 2014

Uppskera úr garðinum

Hér er smá sýnishorn af uppskerunni úr garðinum í ár.

Man ekki eftir því að hafa fengið svona stórar gulrætur áður.  Setti sand í beðið í vor og plantaði gulrótarfræjum sem búið var að húða svo þau voru eins og kúlur í laginu og auðvelt að raða þeim í beðið og ekkert þurfti að grisja (en ég á almennt mjög erfitt með þann hluta af ræktuninni).
 Svo er hér hindberjasulta úr fyrstu alvöru uppskerunni af hindberjaplöntum sem ég fékk hjá góðum nágranna haustið 2012 að mig minnir.

1. september 2014

Hjólað í ágúst 2014

Í mánuðinum hjólaði ég samtals 242 km, þar af 125 km til og frá vinnu og 117 km annað.  
Hjólaði 11 af 20 vinnudögum mánaðarins til og frá vinnu, tók 9 orlofsdaga.
Sá að meðaltali 18 á hjóli á dag til vinnu og 24 frá vinnu. Mest taldi ég 26 til vinnu og 43 á heimleiðinni (en þá hjólaði ég meðfram Miklubrautinni en ekki Sæbraut eins og venjulega).  

Inn á endomondo hjá mér vantar einn hjólatúr sem ég fór með mágkonu minni frá Grafarholti og upp í Mosfellsbæ og til baka í gegnum golfvöll í rétt hjá Korpúlfsstöðum.  En ég gleymdi símanum heima (sem sér um að taka upp hjóleríið mitt).




Hjólaárið 2023 - 3.036 km

VEGALENGDIR OG DAGAFJÖLDI Hjólaði samtals 3.036 km á árinu. Hjólaði 1.589 km til og frá vinnu og 1.447 km í aðrar ferðir. Ég hjólaði 203 af ...