Legg til að ný regla verði sett í íslenskufræðin. Hún er sú að nöfn fyrirtækja séu undanskilin beygingum í tali og skrifi manna.
Til eru fyrirtæki eins og Spölur ehf og það er bara ekkert einfalt mál að beygja þetta nafn. Það er eitthvað afkárlegt við beygja fyrirtækjanöfn. Þó nöfnin beygist eðiliega. T.d. Margt smátt ehf. Ég var að tala við þennan eða hinn frá Mörgu smáu... það passar eitthvað svo illa.
Samkvæmt nýju reglunni þá verður þetta svona: "Ég var að tala við þennan eða hinn frá Margt smátt... "
Stundum þegar hlustað er á fréttir (eða aðra sem tala "rétt") áttar maður sig ekki strax á því hvaða fyrirtæki verið er að tala um þegar búið er að snúa nafninu eftir kúnstarinnarreglum tungunnar og afbjaga þannig nöfn þeirra.
Og hana nú. Að lokum legg ég til að ibbsilonið verðu tekið úr málinu líka til að létta mér lífið.
Kv. Bjarnei
Gerast áskrifandi að:
Birta ummæli (Atom)
Hjólaárið 2023 - 3.036 km
VEGALENGDIR OG DAGAFJÖLDI Hjólaði samtals 3.036 km á árinu. Hjólaði 1.589 km til og frá vinnu og 1.447 km í aðrar ferðir. Ég hjólaði 203 af ...
-
Hjólaði samtals 300 km í mánuðinum þar af 132 til og frá vinnu. Hjólaði 15 af 17 vinnudögum mánaðarins til vinnu, var 5 daga í orlofi. Hjó...
-
Mig hefur lengi langað til að prófa að þæfa ull og lét þann draum rætast þessa helgi. Ég átti plötulopa og notaði stærstu prjónana sem ég á....
-
Það hefur lengi verið á óskalistanum hjá mér að hjóla að álverinu í Straumsvík og í dag lét ég loksins verða af því. Veðrið var mjög fínt t...
6 ummæli:
Nú er ég svo aldeilis ósammála þér. Tilhneigingin í þessum málum virðist vera að gera tungumálið svo einfalt og gelt að enginn þurfi að hugsa lengur þegar hann talar. Þar liggur helsti vandi mannkynsins í dag. Hlustaðu bara á pólítíkusana núna fyrir kosningar.
Nei, höfum gaman af nafngiftunum hjá þeim í Mörgu smáu eða Speli.
Altsooo... Franey Franey!
Hvað á þetta að þýða stelpa mín? Ertu búinn að gleyma hvur þú ert?
Það eru mörg ár síðan fólk hætti að hugsa áður en það talaði. Ég hed að það gæti bætt vitræna umræðu að einfalda málið svolítið. fólk færi þá kannski að sjá hversu arfa vitlaust það er að vera með ríkisrekna bændur og flugvöll í vatnsmýrinni.
Ósammála Bjarney, það fer sérskalega mikið í mig (dálítill Gúndýar-ismi reyndar) að heyra svona nöfn ekki beygð og þá líka nöfn á net síðum, td. þegar sagt er "ég sá þetta inn á vísir.is" , mér þætti rétt að segja "vísi.is." En líklaga er Iggdrasill besta dæmið um að ekki eigi að beygja fyrirtækjanöfn. Þegar maður segir, ég keypti þetta í Iggdrasli. Þessi drasl-ending er eitthvað svo fáránleg.
En auðvitað meiga helvs.. ufslilonin fara til andskotans, þá hætta ménn líka að rífast um hvort segja skal pylsa eða pulsa : )
Um pulsurnar er óþarfi að rífast það eru bara sveita menn sem skrifa pulsa með ubseloni
Skrifa ummæli