27. mars 2006

Hjólafréttir


Á miðvikudaginn síðasta kom tengdapabbi með hjólin okkar úr geymslu. Í gær fór ég með hjólið mitt á bensínstöð og pumpaði í dekkin (af því að fína pumpan sem ég keypti mér virkar ekki nema bara stundum) og svona almennt athugaði hvort allt virkaði eins og það á að gera.
Í morgun hjólaði ég í vinnuna. Að sjálfsögðu var ískaldur mótvindur og þolið fyrir löngu farið, þurfti að fara niður í 3 gír upp smá brekku og meðalhraðinn hefur verið ca. 10 km/klst. (meðalhraðinn síðasta sumar var 15 km/klst).

Sá ekki nema 4 aðra hjólalinga á leiðinni og einn skokkara. Því miður var ég svo upptekin af því að hjóla að ég tók ekki eftir hitastiginu en finnst líklegt að það hafi verið nálægt frostmarkinu.

4 ummæli:

BbulgroZ sagði...

Aahh hvað það er gott að fá hjólafréttirnar aftur : )Skemmtilegt þetta með meðalhraðann og þolið, hér eftir áttu eftir að sjá þá tölu fara upp á við í samræmi við aukið þol.

Refsarinn sagði...

Og kraft úr kókómjólk :)

Bjarney Halldórsdóttir sagði...

Já kókómjólkin. Ég hef nú samt ekki geta hugsað mér að drekka hana lengi. Við fengum hana alltaf í nesti í gamladaga - muniði? Það kom nokkrum sinnum fyrir að maður lenti á einni þykkri og súrri - jakk pjakk það var vont maður.

BbulgroZ sagði...

Ég á heimtingu á fleiri hjólafréttum!!

Hjólaárið 2023 - 3.036 km

VEGALENGDIR OG DAGAFJÖLDI Hjólaði samtals 3.036 km á árinu. Hjólaði 1.589 km til og frá vinnu og 1.447 km í aðrar ferðir. Ég hjólaði 203 af ...