Nú er mig farið að langa í hjólatúr eitthvað út fyrir borgina.
Keypti festingar fyrir hjól á bílinn og draumurinn er að láta karlinn keyra mig eitthvað út fyrir bæinn og sækja svo aftur á leiðarenda.
Í augnablikinu er það Þingvallaleið sem heillar, held að það sé bara nokkuð góð vegalengd að fara fyrir byrjendur í utanbæjarhjólreiðum (ef maður fer ekki á mesta annatíma). Annars væri gaman að fá tillögur um hjólaleiðir.
Árið 2007 hjólaði ég frá Blönduósi á Skagaströnd (ætlaði ekki að trúa því að það hafi ekki verið á síðasta ári) sem er ca. 21 km leið. Það gekk bara vel, mig minnir að ég hafi verið einn og hálfan tíma á leiðinni. En þá var ég ekki búin að kaupa mér Garmin græjuna svo ég er ekki með það nákvæmlega skráð. Það er nú ferð sem mætti vel endurtaka.
Hjólaárið 2023 - 3.036 km
VEGALENGDIR OG DAGAFJÖLDI Hjólaði samtals 3.036 km á árinu. Hjólaði 1.589 km til og frá vinnu og 1.447 km í aðrar ferðir. Ég hjólaði 203 af ...
-
Hjólaði samtals 300 km í mánuðinum þar af 132 til og frá vinnu. Hjólaði 15 af 17 vinnudögum mánaðarins til vinnu, var 5 daga í orlofi. Hjó... -
Mig hefur lengi langað til að prófa að þæfa ull og lét þann draum rætast þessa helgi. Ég átti plötulopa og notaði stærstu prjónana sem ég á.... -
Hjólaði samtals 231 km í mánuðinum þar af 113 til og frá vinnu. Tók mér 3 orlofsdaga í mánuðinum og var veik 2. Hjólaði 49 km á stóra hjól...
4 ummæli:
Hæ Bjarney. Þú kemur auðvitað bara í Bláa Lóns þrautina, við Þórhallur (og Haukur Tandri) erum búin að skrá okkur í 60km. Okkur Hauk vantar einmitt einn í fjölskyldulið :) Þórhallur verður í firmaliði og má ekki vera í liði í báðum flokkum!
kv
Adda
ó vá. 60 km! Fyrst var ég alveg bara ó nei, þú hlýtur að vera að grínast. En núna er mér farið að finnast þetta pínu spennandi.
En ég þarf að vita hversu mikið keppnisskapið er í þér, því ég vil komast lifandi frá þessu.
Hvað er maður lengi að fara þessa vegalend?
Iss... voða lítið keppnisskap í mér, ég er aðallega að hugsa um að komast þetta! Það er ekki fyrr en næst að maður hefur einhvern tíma til að keppa að. Ég stefni á að vera þetta svona þrjá og hálfan tíma, er venjulega um hálftíma að hjóla 10 km. En þetta er mest allt á möl og skv. bróður þínum er þetta það allra skemmtilegasta sem hann hefur gert! Hér er linkur:
http://www.hfr.is/blaa/upplysingar.asp?m=5
kv
Adda
Eftir að hafa hjólað Nesjavallaleiðina (báðar leiðir) þá datt mér einmitt í hug að það gæti verið gaman að fara með fjölskylduna í sunnudagsbíltúr, keyra upp á Hengil og hjóla svo í bæinn. Þ.e. allir nema bílstjórinn. Ekki allir sem hafa gaman af því að hjóla niður brattar brekkur, en ég er hraðafíkill og fannst heimleiðin 10 sinnum skemmtilegri, hún er öll niður í mót eða á jafnsléttu :)
Kv. Hrönn
Skrifa ummæli