1. janúar 2025

Hjólaárið 2024 - 3.281 km

VEGALENGDIR OG DAGAFJÖLDI

Hjólaði samtals 3.281 km á árinu. Hjólaði 1.689 km til og frá vinnu og 1.965 km í aðrar ferðir.

Ég hjólaði 208 af 248 vinnudögum ársins. Af þessum 40 vinnudögum sem ekki voru hjólaðir eru 2 vegna ófærðar og veðurs (1 í jan og annar í nóv), 5 vegna veikinda og restin er svo orlof eða aðrar ástæður.

Á árinu voru 68 dagar sem ég hjólaði ekki neitt. Hér sést hvernig þeir dagar raðast á mánuðina:


Í janúar, mars og október hjólaði ég alla vinnudagana í vinnuna. Og yfir árið hjólaði ég 84% af vinnudögum til og frá vinnu. Leiðin sem ég hjóla oftast til vinnu er 4,4 km og nokkurnvegin á jafnsléttu. Stysta leið sem ég get farið eru 2 km í gegnum Laugardalinn en ég vel þessa lengri leið af ýmsum ástæðum. 

Svo er það stóra hjólið sem ég keypti í ágúst 2021 (sjá um það hér). Á því hef ég hjólað 1.316 km á árinu.

Hér er svo hitakortið mitt á Strava fyrir það sem ég skráði á árinu (inniheldur eitthvað af labbi líka).



TALNING: REIÐHJÓL, HLAUPAHJÓL OG GANGANDI

Á morgnanna á leið minni til vinnu tel ég þá sem ég sé á hjóli, hlaupahjóli (rafskútu) og gangandi. Þetta hef ég gert í mörg á og byrjaði á skrá þessar tölur hjá mér árið 2010. Fyrst voru það bara hjólin, svo bættust gangandi við og núna síðustu 2 ár hlaupahjól.

Hér má sjá samanburð á talningu hjólandi árið 2010 og árið 2024. Bláa línan er 2010.


Það er vert að taka fram að þó svo augljóslega megi sjá líkindi milli talninga þessara ára þá er ég ekki að hjóla sömu leðina í bæði skiptin. Árið 2010 vann ég niðri í miðbæ og leiðin sem ég fór til og frá vinnu örlítið lengri en ég hjóla í dag.

Hér er samanburður milli 2023 og 2024. Þá er sama leiðin hjóluð.



Hér má sjá tölur yfir flesta og fæsta hjólandi sem ég sá, eftir mánuðum. Bara í desember var einn dagur (27.12.2024) þar sem ég sá engan annan á hjóli:


Hér eru meðaltal talninga í mánuði árið 2024 eftir ferðamáta:
Blá súla er hjól, rauð er rafskútur og græn eru gangandi.


STRAVA SAMANTEKT ÁRIÐ 2024

Athugið að hér er öll skráð hreyfing á árinu, líka það sem ég hef labbað. Og svo er einn snjómokstur sem ég skrái sem krossfit og það laumast þarna inn líka.






Allt í allt ljómandi fínt hjólaár og ég vona að nýja árið 2025 verði það líka.

GRUNN UPPLÝSINGAR

Hjólið er mitt aðal farartæki. Það er orðið þannig að ef ég kemst upp með það þá fer ég á hjólinu þangað sem ég þarf að fara. Ég fæ stundum að heyra það að ég sé svo dugleg að hjóla, það er að mínu mati byggt á misskilningi því þetta tengist ekki dugnaði, heldur því að nota þann ferðamáta sem hentar best og er svo lang, lang, lang skemmtilegastur. Hef líka verið spurð hvort það komi ekki morgnar þar sem ég nenni ekki að hjóla í vinnuna. En ég kannast ekki við það. Frekar að vera hrædd um að það sé ekki hægt að hjóla út af veðri eða færð. En núna er ég það heppin að þegar það gerist þá get ég labbað í vinnuna.

Ég er alveg hætt að hjóla hratt eða hafa það sem markmið að komast á sem stystum tíma þangað sem ég er að fara. Yfirleitt er ég samt fljótari en ég geri ráð fyrir.

Allt sem ég hjóla er skráð í Strava, líka stutt skuttl í búð eða hvað sem er. Lang mest er ég að hjóla til að koma mér milli staða en ég á líka til að hjóla bara til að hjóla.

 

Engin ummæli:

Hjólaárið 2024 - 3.281 km

VEGALENGDIR OG DAGAFJÖLDI Hjólaði samtals 3.281 km á árinu. Hjólaði 1.689 km til og frá vinnu og 1.965 km í aðrar ferðir. Ég hjólaði 208...