Í gær var kóræfing. Fyrsta kóræfingin þar sem lagið hans pabba var æft í raddsetningu sem ég og Arnar bróðir gerðum fyrir afmælið hans pabba. Þetta er sem sagt lagið sem fjölskyldukórinn söng í afmælinu við texta sem Eyrún og ég sömdum.
Textinn sem nú var notaður er sá sem lagið var upphaflega samið við eða jólakveðja frá Bjarna (Minnu maður). Mér tókst að skella inn textanum við lagið og prenta það út fyrir kóræfinguna í gær (með töluverðum vandærðum og mikilli hjálp frá Elíasi því tæknin var að stríða mér). En svo vantaði titil á verkið. Textinn endar á því að drottinn er beðinn um að helga og blessa jólin og fannst mér tilvalið að nota það sem titil. Það var svo ekki fyrr en á æfingunni að menn spurðu: "Hver er þessi Helga?" sem ég áttaði mig á mistökunum.
4 ummæli:
Viltu að ég hringi í múttu? Hún væri örugglega til í létta blesssun ef því er að skipta.
Já auðvitað er átt við þá Helgu, ég var samt með aðra í huga : )
Skemmtilegt þetta. Verð að skjóta aðeins á þig frænka. Ég er Sigurðarson en ekki Sigurðsson.
Jebbs búin að fá skilaboðin og búin að laga, kæri frændi. Biðst innilega afsökunar á þessum leiðu mistökum.
Skrifa ummæli