31. október 2006

Orð dagsins.

Stundum eru orð að þvælast fyrir og hér eru dæmi um orð eða orðalag sem pirrar mig þessa stundina.

"Ákveðin vonbrigði" Hvað er átt við með þessu? Geta vonbrigði verið ákveðin? Svo þegar maður notar þessi tvö orð saman þá er maður í raun að meina nokkurskonar vonbrigði - ekki satt?

"Mútuþægni" Las í blaðinu um daginn að maður væri ásakaður um mútuþægni. Mér líkar ákaflega illa við þetta orð því það dregur athyglina frá því sem verið er að tala um. Miklu skýrara er að segja að maðurinn hafi verið ásakaður um að þyggja mútur.

"Verg þjóðarframleiðsla" Hvað þýðir þetta eiginlega? Og svo er orðið "verg" svo hræðilega ljótt eitthvað.

5 ummæli:

BbulgroZ sagði...

Tja þetta er náttúrulega spurning um þetta mál okkar, hvort við eigum að reyna að viðhalda fjölbreytileika þess eður ei. Ég man eftir því að hafa verið sagt hvað vergþjóðarframleiðsa er, þetta er hugtak í viðskiptafræðinni eða eitthvað álíka skemmtilegt.

Refsarinn sagði...

Er maður ekki svolítið mikið pirraður þegar þessi orð eru farin að halda fyrir manni vöku?

BbulgroZ sagði...

Bjarney fer nú snemma að sofa held ég og lítið sem ekkert getur haldið fyrir henni vöku, nema kannski...ég ætla að segja það... VEERG!!!!

Nafnlaus sagði...

Verg þýðir "heildar" þannig að þetta þýðir einfaldlega heildarlandsframleiðsla. Nánari upplýsingar eru á hinum stórfróðlega vef www.rikiskassinn.is
Þar er formúlan fyrir heildarlandsframleiðslu sett fram þannig:
Verg landsframleiðsla = einkaneysla + samneysla + fjárfesting + birgðabreyting + útflutningur - innflutningur

Og þar hefur þú það.

Bjarney Halldórsdóttir sagði...

Þakka þér anonymus fyrir þennan fróðleik.

Ég skil samt ekki ennþá afhverju í ósköpunum er ekki bara sagt heildarframleiðsla ef það er það sem þetta þýðir.

Hjólaárið 2023 - 3.036 km

VEGALENGDIR OG DAGAFJÖLDI Hjólaði samtals 3.036 km á árinu. Hjólaði 1.589 km til og frá vinnu og 1.447 km í aðrar ferðir. Ég hjólaði 203 af ...